荷華庭園景餐廳 (已結業)

原來林村有一間咁靚嘅隱世餐廳，揸車嚟嘅話可以直接泊喺餐廳出面都幾方便👍🏻餐廳環境好大，有室內同室外，室外嘅話有唔同嘅特色屋仔包廂，個環境靚到好似去咗渡假咁，如果好天影相會更加靚！我哋最後坐咗喺室內，店員都好細心咁將蚊香放喺枱底，咁就唔怕俾蚊咬啦！黑松露焗珍寶大虎蝦（$298）隻蝦上面好多芝士，又有少少菇，食落味道好夾，蝦味都好濃！燒安格斯牛柳（$398）叫咗五成熟，牛味都好濃郁好juicy，下次想試吓三成熟🤭焗火焰雪山（$128）細size其實都夠兩個人食，佢着火嗰陣真係好打卡able🤭切開裏面係軟綿綿嘅蛋糕、雜果同雪糕，全部食哂！