影片
更多
2022-02-27
892 瀏覽
嚟到太安樓美食集中地，偏偏只想靜靜地食一餐飯。-距離地鐵站約5分鐘的林記車仔麵開業多年，以街坊生意為主，長期有人龍，幸好假日中午都排得好快，由落單、取餐、付款，過程唔使5分鐘。-鋪面簡陋，冇設計感，招牌下清晰列好所有餸菜同價錢，爐面上擺滿餸菜，即叫即煮，值得一提嘅係店舖列明嘅餸菜同爐面上擺滿嘅餸菜係唔一樣。店員四個，各有分工，服務正常。座位唔多，擺放喺店鋪外，坐得唔舒服，燈光暗，大部份食客係外賣自取。-三餸車仔麵（時菜、大腸、豬頭肉） $37湯底係深啡色，唔香。麵底係粗麵；時菜係西洋菜；大腸大件，有嚼口，味道正常；豬頭肉係餐牌上冇寫，滷得入味，肥肉唔多，豬耳厚，爽口，味道唔錯。-整體而言，麵餸份量多，味道正常，同區比較性價比正常。
-
距離地鐵站約5分鐘的林記車仔麵開業多年，以街坊生意為主，長期有人龍，幸好假日中午都排得好快，由落單、取餐、付款，過程唔使5分鐘。
-
鋪面簡陋，冇設計感，招牌下清晰列好所有餸菜同價錢，爐面上擺滿餸菜，即叫即煮，值得一提嘅係店舖列明嘅餸菜同爐面上擺滿嘅餸菜係唔一樣。店員四個，各有分工，服務正常。座位唔多，擺放喺店鋪外，坐得唔舒服，燈光暗，大部份食客係外賣自取。
-
三餸車仔麵（時菜、大腸、豬頭肉） $37
湯底係深啡色，唔香。麵底係粗麵；時菜係西洋菜；大腸大件，有嚼口，味道正常；豬頭肉係餐牌上冇寫，滷得入味，肥肉唔多，豬耳厚，爽口，味道唔錯。
-
整體而言，麵餸份量多，味道正常，同區比較性價比正常。
張貼