雪下覓炙

營業中

休息中

收工同朋友去到海港城相聚，我身邊嘅朋友都係韓國美食嘅粉絲😂，今次又搵到一間好好味嘅韓國餐廳，裝修靚之餘，服務仲好好。夏之煙燻盛饌2人餐醬油盛合醬油鮑魚，帶子&醬油蝦。帶子和大蝦都勁鮮甜，醬油偏咸了一點，所以略略蓋過蝦頭膏的味道，但對於帶子和蝦身來說是很好的，夠味。最驚喜係鮑魚，好夠味，仲一d都唔韌！韓牛x和牛併盤和牛牛舌略略燒一燒就食得，店員哥哥幫忙燒，燒得岩岩好，唔會過老。和牛外裙肉，油花十足，口感柔軟，肉味適中，沾一點點香草鹽同食已經好好味。韓牛牛小排肉質無和牛咁柔軟，但肉味濃郁，所以我比較中意。而我最愛的是和牛牛肋肉，雖然牛肋肉食完不算柔和，甚有咬口，但它是3款肉之中最重油脂和肉汁，好好味。煙燻蘋果木豬五花 （配生菜）店員哥哥即場係你面前煙燻！真係超級正呀！真係好香好香，估唔到焗3分鐘已經滲透晒落肉肉度。一路燒一路有淡淡既果木香，呢個豬五花真係有意外驚喜！加上生蒜同少少泡菜再用生菜芝麻葉包住食，真係好正！炸醬麵一人一小碗，份量岩岩好，炸醬肉味濃，係個麵略嫌腍咗少少，唔夠Q彈。是日甜品Tiramisu ❤️ 連蛋糕都整得好好味，食得出咖啡酒香，唔會太甜，食完好滿足。