傷心酸辣粉 (已結業)

星期日同老婆去旺角整手機，等候時間周圍逛；午飯時間，見到呢間傷心酸辣粉，好似聽講話幾OK，就上去試下。其實老婆唔食得辣，不過見我無食辣好耐，咪俾我試下囉！多謝老婆。原來有套餐，一個小吃、一個粉加埋杯drink，OK 喎，就兩個set，小吃我最愛豬耳，加個蒜泥白肉，我要傷心酸辣粉，老婆要雞絲冷麵。小吃一般水準，唔錯。係個蒜泥白肉，我從未食過煙肉咁長整，都幾特別。老婆碗冷麵小辣，佢都有D 頂唔順，不過都食到。我碗就一個字形容：正!碗粉好夠辣(中辣)，酸得適量，加埋有炸菜花生，中和下個粉，好好味！鐘意食辣會滿意。食下食下，越食越開胃，忍不注滿頭大汗，鼻水慢慢流下，果然「傷心」！好正呀D 辣！兩個set，盛惠$90，OK 價。