金船長餐廳 (已結業)

呢條街有好多嘢食，不過最後揀咗入去呢間餐廳，因為佢係得獎餐廳，緊要試下咩料😈入到去一定試獎名菜，黑松露pizza同我想像中嘅樣唔同但係呢個真係一定要試，一上枱已經聞到好香黑松露味，一陣一陣不斷咁飄過黎，流晒口水。侍應仲好細心咁講解有唔同食法，首先係原味食，然後係點秘製提子醬食，之後係加沙律菜食。我個人覺得其實原味係最好食☺️特別一提個提子醬好正，酸酸甜甜又有少少提子味，如果可以外賣走佢就好了。Pizza 記得上枱就好趁熱食！！！我同朋友仲叫左個小食，牛肝菌雲吞素雲吞感覺清淡，大家可以一試，味道唔錯的今晚簡直係黑松露之夜，朋友主菜揀左個黑松露意大利飯，入邊有啲不同種類嘅菇，中和左飯嘅膩，份量好大碟，兩個人share啱啱好完美晚餐要有完美甜品做最後點綴，個人特別鍾意叫心太軟，因為唔易整，太熟冇流心，太生又成唔到型呢度嘅心太遠啱啱好係心太軟，唔會太生唔會太熟，不過朱古力味唔太夠，我鍾意苦啲嘅朱古力。😆最值得一讚係侍應嘅服務態度，由我哋坐低到走，不斷會行過黎問我地要唔要水，又會細心解釋每一樣唔同食物，最好嘅係唔會趕我地走。👏🏿👏🏿價錢方面貴少少，但個人覺得可以接受，食物質素唔錯環環境又舒服麻🤗