快靚正燒味粉麵茶餐廳 (已結業)

茶餐廳在深水埗西九龍中心附近，地點非常方便。茶餐廳門口位有斬燒味窗口位，見到質數看似不錯，於是便打包了一些燒味回家斬料加餸，包括燒腩骨、叉燒同燒鴨脾。燒腩骨是餐廳用私伙燒爐自家製的，將原隻豬隻燒香後再切出燒腩骨位置。吃落腩骨相當新鮮，外皮燒得脆卜卜，半肥瘦肉層層相扣。蜜汁叉燒半肥瘦，肉質鬆軟，蜜汁甜香滋味，送飯一流，連阿爸都讚好，追問在哪可以買到﹗燒鴨脾切得好靚，色澤不錯，外皮微脆，肉質嫰滑，香口多汁﹗餐廳侍應態度不錯，等待外賣期間，可以讓我坐下來慢慢等待。