佳佳甜品 (已搬遷) 新店位置

今日下晝在新興棧食完好足料的及第粥後，行過這裡，見仲可以再吃一點，加上天氣陰陰涼，食電熱糖水真係唔錯，就來幫襯了。五點幾，人都不少。呢度只係一間小小的轉角舖，得四張檯，仲要一張在街邊，兩張在後巷，環境一般。未坐下走去舖面看看，餐牌上的都是傳統的幾味糖水糊類。見阿姐幾好人事，就問下有咩介紹，佢話杏仁露新鮮熱辣，芝麻糊又受歡迎，所以就整碗黑白試下。不過就唔係芝麻糊同豆腐花，而係杏仁露同芝麻糊。用羹攪一下，糊杰身，自家即磨，夠滑度，黑白兩色亦甚美。味道濃滑，杏仁露在上，夠香味又不太甜，芝麻糊亦香，兩種糊配合得不錯，阿姐無介紹錯。一向飲慣熱湯，故三兩下手勢已食完碗糖水，阿姐仲問係唔係唔夠熱，我笑說好吃才吃得快者。埋單14蚊，物有所值，值得一試。