影片
更多
2023-03-20
323 瀏覽
魚眾不同酸菜魚，其實都食過好多次，但係好似未寫過食評比佢😂🙈假日兩點幾嚟到都好多人，全場full晒，見到comment話啲服務員態度唔係幾好，我自己又唔覺，雖然樓面得兩個人，勁忙，但好殷勤喎！⭐️一人份系列 - 酸菜魚 $73佢有分鱸魚、鯛魚、生魚。鱸魚比較鮮甜，鯛魚比較爽口，我自己就鍾意後者🥳湯底叫做青花椒酸菜湯，食起上嚟更加麻辣！除咗酸菜魚，仲可以自選兩款配料，都係蔬菜類，我鍾意叫蘿蔔、豆皮，可以吸晒啲湯。粉面就叫咗薯粉，佢係會分開上，以免淋晒。食過幾次嘅感想都係覺得米線會比較好，因為薯粉應該係一早整好，所以已經放到唔再煙靭😞⭐️臘味煲仔飯 $72之前同朋友食煲仔飯嘅時候，佢話嗰間煲仔飯唔夠呢間咁好食，所以嗰時都係佢驅使咗我第一次食呢間餐廳😂比起第一次食嘅時候，我覺得今次冇咁好食，好似臘味份量少咗，不過佢嘅豉油甜甜地，加上煲底飯焦乾濕程度仲係咁啱啱好🥰佢哋而家開咗好多分店，周圍都可以食到啦！
魚眾不同酸菜魚，其實都食過好多次，但係好似未寫過食評比佢😂🙈假日兩點幾嚟到都好多人，全場full晒，見到comment話啲服務員態度唔係幾好，我自己又唔覺，雖然樓面得兩個人，勁忙，但好殷勤喎！
⭐️一人份系列 - 酸菜魚 $73
佢有分鱸魚、鯛魚、生魚。鱸魚比較鮮甜，鯛魚比較爽口，我自己就鍾意後者🥳湯底叫做青花椒酸菜湯，食起上嚟更加麻辣！除咗酸菜魚，仲可以自選兩款配料，都係蔬菜類，我鍾意叫蘿蔔、豆皮，可以吸晒啲湯。粉面就叫咗薯粉，佢係會分開上，以免淋晒。食過幾次嘅感想都係覺得米線會比較好，因為薯粉應該係一早整好，所以已經放到唔再煙靭😞
⭐️臘味煲仔飯 $72
之前同朋友食煲仔飯嘅時候，佢話嗰間煲仔飯唔夠呢間咁好食，所以嗰時都係佢驅使咗我第一次食呢間餐廳😂比起第一次食嘅時候，我覺得今次冇咁好食，好似臘味份量少咗，不過佢嘅豉油甜甜地，加上煲底飯焦乾濕程度仲係咁啱啱好🥰
佢哋而家開咗好多分店，周圍都可以食到啦！
張貼
