惠 (已結業)

今日收工超級攰，男朋友約咗我去灣仔食呢間惠！諗住可以好好咁放鬆吓🤤餐廳喺灣仔地鐵站附近，所以地點都非常方便易搵！而且餐廳唔算好大，但係座位好闊落，食吓嘢傾吓計都係幾唔錯嘅選擇！👏🏻好似好耐都冇食過OMAKASE😋真係諗起都流晒口水！整體成間餐廳嘅氣氛同埋食物質素都好高質！而且呢度嘅款式可以話係我食過最多嘅款式👍🏻無論刺身，壽司，小食，湯，甜品！亦都各有特色，非常有水準👍🏻👍🏻可以食到唔同嘅魚，生蠔，鮑魚！而其中一個我自己好鍾意嘅就係呢一個蟹肉甲羅燒❤️一個好令人回味嘅菜式！上面鋪滿左滿滿嘅蟹膏蟹肉！一拎住嘅時候就已經聞到好香好香嘅蟹味！而且再加上擺入口嘅時候，成個口腔都充滿着蟹膏嘅味道！真係非常豐富！之前喺日本都食過一次，估唔到喺香港都可以食到咁高水準嘅👍🏻👍🏻