牛角日本燒肉專門店 (已結業)

好耐之前已經好想食牛角,之前係屯門V CITY試過等足2個鍾都冇位,決定放棄今次我女友生日,好在我醒目book定位,打曬去尖咀銅鑼灣都爆曬,最後book到旺角,去到原來一個人都冇即時入座,爽!!我地叫左個燒肉拼盤,一碟百零蚊和牛,一盒牛油帶子,牛角香腸,芝士雞肉,牛肩膊,一個牛角沙律,2碗牛角飯同一個辣油牛舌,埋單650幾!算合理!牛角沙律其實好普通,自己係家都整到!不過辣油牛舌就真係正啦!佢一D都唔辣,不過好香,而且話係可食用無害既辣油,我就唔知點解,不過食完一碟之後仲想encore!燒肉拼盤咩都有,2個人食啱啱好唔會太full! 最好食係牛舌!不過茄哩啡既粟米同香菇竟然出奇地多汁同香甜! 我就suggest大家點個陣點燒汁口味!和牛真係好油好香好化,不過鹽口味就醃得over左,所以我地同黎送牛角飯(呢個飯送燒肉一流!紫菜香+埋肉香超正) 不過份量真係少,而且同menu圖片不附!牛角香腸,芝士雞肉冇乜特別,但可以一試!牛油帶子就可以再encore,佢係一個鍚紙兜放曬爐上燒,唔洗攪到成手都係,好方便,而且好快熟,帶子彈牙溝埋牛油,撈飯都係一流!順便一提牛角特飯都幾好飲,菠蘿+橙汁+7喜