影片
更多
2017-08-08
11417 瀏覽
是日去咗沙田河畔花園嘅一家西餐廳《M3 Italian》同朋友慶祝生辰。 呢間餐廳地點雖然唔算方便，但卻深受沙田區嘅朋友力捧，今日有幸品嚐， 一定要試晒呢度嘅推介菜式。一坐底，點了一杯比利時啤酒【Kwak】$60，啤酒杯造型非常特別，有點像做實驗的感覺。酒精成份8.4%，顏色呈現焦糖啡，泡沫頗多，但入口滑溜。味道回甘帶有果香，入口帶一點甘苦，有淡淡嘅啤酒花香氣，跟住就慢慢滲出淡淡嘅香甜，由於酒味較為濃烈， 特別適合一眾喜歡手工啤酒朋友品嚐。先以一個【洋蔥湯】來作出序幕。洋蔥湯經過煎香後，味道變得濃郁香甜。經過炒香嘅洋蔥絲不但沒有半點辛辣味，反而醞釀出洋蔥自然嘅甜味，甜絲絲嘅味道，令每一口都暖胃滿足。洋蔥湯入面加入法式麵包，麵包吸收咗湯嘅精華，每一口都是美味。再來一個M3必食推介【香辣蒜片啤酒煮蜆】$148， 呢個啤酒煮蜆可謂每一檯嘅必點菜式。蜆肉飽滿多汁，而且每一口充滿海水嘅鹹香。配上味道惹味嘅蒜片，香氣十足嘅芫茜， 同辣椒絲，令味蕾帶來刺激。這道菜嘅另一精粹就係個湯汁， 不但可以品嘗到蜆嘅鮮甜、海水嘅鹹鮮、仲有蒜嘅香氣。 呢度菜式令人食到津津有味，認真要大力推介。另一個令人非常具驚喜
一坐底，點了一杯比利時啤酒【Kwak】$60，啤酒杯造型非常特別，有點像做實驗的感覺。酒精成份8.4%，顏色呈現焦糖啡，泡沫頗多，但入口滑溜。味道回甘帶有果香，入口帶一點甘苦，有淡淡嘅啤酒花香氣，跟住就慢慢滲出淡淡嘅香甜，由於酒味較為濃烈， 特別適合一眾喜歡手工啤酒朋友品嚐。
先以一個【洋蔥湯】來作出序幕。洋蔥湯經過煎香後，味道變得濃郁香甜。經過炒香嘅洋蔥絲不但沒有半點辛辣味，反而醞釀出洋蔥自然嘅甜味，甜絲絲嘅味道，令每一口都暖胃滿足。洋蔥湯入面加入法式麵包，麵包吸收咗湯嘅精華，每一口都是美味。
再來一個M3必食推介【香辣蒜片啤酒煮蜆】$148， 呢個啤酒煮蜆可謂每一檯嘅必點菜式。蜆肉飽滿多汁，而且每一口充滿海水嘅鹹香。配上味道惹味嘅蒜片，香氣十足嘅芫茜， 同辣椒絲，令味蕾帶來刺激。這道菜嘅另一精粹就係個湯汁， 不但可以品嘗到蜆嘅鮮甜、海水嘅鹹鮮、仲有蒜嘅香氣。 呢度菜式令人食到津津有味，認真要大力推介。
另一個令人非常具驚喜嘅菜式【法國鵝肝雲吞配番茄醬】$158 。平時食嘅意大利餛飩通常都會用上芝士、蕃茄或者菠菜等餡料。呢度嘅雲吞則用咗黎自法國嘅高級鵝肝，鵝肝油份豐富，味道甘香。 一口咬下，香氣四溢。而且雲吞皮厚度適中，滲出一絲蛋香。配埋自家製嘅番茄醬，味道酸酸甜甜，中和咗鵝肝嘅油膩感，兩者味道出奇地匹配。
最後黎一客甜品【朱古力心太軟配雪糕】，心太軟朱古力味香濃，外面嘅蛋糕烤得鬆脆。一切開，朱古力流心有如熔岩般流出，烤焗嘅時間拿捏得相當之好。配埋雲呢拿雪糕，一冷一熱嘅感覺，令人相當陶醉。加上一抹用桑子同士多啤梨打成嘅果醬，不但令到賣相加分，亦平衡咗朱古力嘅甜度。整體質素可以媲美專業嘅甜品店。
意想不到在這區都可以品嘗到質素如此高，而且價錢大眾化嘅西餐，難怪受到街坊力捧同愛戴， 果然名不虛傳。
張貼
