芝脆雞 (已結業)

之前係度睇過呢間野既食評, 見都好多好評於是尋晚就試下叫左個外賣大胃a餐, 簡左一個墨西哥香辣pizza, 炸雞, 小食拼盤同餐湯接電話個小姐話預番一個鐘頭到送到, 真係一個鐘頭, 雖則冇早到, 但係都冇遲到喎 先食左個炸雞, 好味! 入面既雞肉唔會好似出名尊做炸雞個間咁林, 味道都係好的!小食拼盤入面有雞翼, 春卷, 咖哩角同魷魚圈, 魷魚圈入面真係魷魚, 而且仲係食到有魷魚味, 唔似得其他呢類店既魷魚圈只得個粉既味 good!咖哩角就唔係好咖哩味, 不過真係脆架喎, 唔會好似其他店咁成個鐘先到就林晒春卷都係脆既 雞翼係香茅味, 一食就食得出啦, 個皮乾身, 可能人地會唔鐘意, 但係我本身就如果係呢類味既雞翼我會鐘意個皮乾身d, 因為好似入味d, good!個pizza就冇我叫開既另外一間咁辣, 我本身鐘意食辣野, 呢個就唔夠辣, 不過一般出面話辣既野都唔會辣得去邊我都明既, 咁鐘意食辣而又唔食得好辣既人, 呢個就岩晒啦~我地兩個人食, 都食唔晒, 個餐應該係比三個人食既, 因為餐湯有3個總括: GOOD!!!不過掛住食, 冇影相