Monster Sushi (已結業)

今次係我第一次黎Monster Sushi,聽就聽得多喇,不過就真係未試過,平時就見佢排哂長龍,不過出奇地今日我地係唔洗等位嫁,唔通我地趕客?哈哈,今次就等朋友叫,佢就叫左D大路野,希望大家岩食,三文魚、軟殼蟹手巻個D，三文魚夠新鮮,而且都幾厚,蟹柳壽司令我喜出望外,佢個蟹味真係好出,而且係覺得佢新鮮既,不過口感當然同真正既蟹唔同,蟹柳上面有D蟹子係作用之一,令佢個味道更加突出,果然唔錯。之前就一個芒果花之戀,之前都未食過依樣野,就係因為芒果既關係，味道比起花之戀黎講更加特別，沙律醬唔算太多,加埋果味,正,而包住壽司既三文魚亦都非常新鮮,唔錯，一啖食落去又有魚既鮮味同埋果味,幾特別，比起普通既花之戀真係有距離。整體黎講係唔錯,難怪平時有咁多人去,不過今次唔洗等位真係正,如果要等既都算值得既