影片
更多
2012-12-18
741 瀏覽
是日父親大人生日，我地一行６個大人加１個小朋友尊登揸車過黎食晚飯。本來之前打電話想訂枱，但負責人話要夠８位先可以，所以惟有早ｄ入黎攞位。一早上網見食評話椰王燉奶好食，我都唔執輸訂左黎孝敬父親大人。一行人早早地５時已到，檔位仲做緊下午茶，不過負責人都好有禮貌咁招呼我地坐低。個檔位都算大既，有成８張大枱，不過好似全部都俾人訂哂！我地坐左８人枱，晚市５點半開始。以下係我地既菜單：蒜蓉糯米飯蒸羔蟹：糯米飯超入味，好好食不過份量好少，每人得一碗如果多人一定唔夠分蒜蓉大蝦陳村粉：味道言過其實，我覺得冇食評講到咁好味似普通河粉。炒聖子：夠鑊氣，好味炸花枝丸：簡直驚為天人好味到呢！！！推介！！ｄ肉好彈牙，唔似出面攞既普通貨，或者係自家製不過真係好貴，＄６ｘ得１０粒炸雞軟骨：超誠意之作！成碟鋪滿炸蒜蓉，一ｄ都冇慳！好味南北杏燉豬肺湯：呢個係落單哥哥介紹，佢話真係燉架喎！見個湯真係好清，冇咩油，冇咩味精，連飲慣自家湯既媽咪都飲左幾碗，果然冇介紹錯。招牌雞半隻：本來想叫芝麻雞，不過落單哥哥話有ｄ辣，我地有小朋友所以轉左叫招牌雞，味道ｏｋ啦！炒生菜椰王燉奶：網上食評話冇叫呢個就等於冇黎過三小姐，果然講得好！鮮
本來之前打電話想訂枱，但負責人話要夠８位先可以，所以惟有早ｄ入黎攞位。
一早上網見食評話椰王燉奶好食，我都唔執輸訂左黎孝敬父親大人。
一行人早早地５時已到，檔位仲做緊下午茶，不過負責人都好有禮貌咁招呼我地坐低。
個檔位都算大既，有成８張大枱，不過好似全部都俾人訂哂！
我地坐左８人枱，晚市５點半開始。
以下係我地既菜單：
蒜蓉糯米飯蒸羔蟹：糯米飯超入味，好好食不過份量好少，每人得一碗如果多人一定唔夠分
蒜蓉大蝦陳村粉：味道言過其實，我覺得冇食評講到咁好味似普通河粉。
炒聖子：夠鑊氣，好味
炸花枝丸：簡直驚為天人好味到呢！！！推介！！ｄ肉好彈牙，唔似出面攞既普通貨，或者係自家製不過真係好貴，＄６ｘ得１０粒
炸雞軟骨：超誠意之作！成碟鋪滿炸蒜蓉，一ｄ都冇慳！好味
南北杏燉豬肺湯：呢個係落單哥哥介紹，佢話真係燉架喎！見個湯真係好清，冇咩油，冇咩味精，連飲慣自家湯既媽咪都飲左幾碗，果然冇介紹錯。
招牌雞半隻：本來想叫芝麻雞，不過落單哥哥話有ｄ辣，我地有小朋友所以轉左叫招牌雞，味道ｏｋ啦！
炒生菜
椰王燉奶：網上食評話冇叫呢個就等於冇黎過三小姐，果然講得好！鮮奶好滑，而且應該係冇添加，媽咪覺得好甜，但對於我呢ｄ出街食野已經食到好重味覺既人黎講只係普通甜度不過都係推介！！
題外話/補充資料：
總括黎講，今次係冇黎錯既。:)唔知係米我地真係太早，所以上菜上得好快。五分鐘左右已經不斷上菜，冇間斷既。但６點左右已經差唔多爆哂，超旺場:mad:如果要食，真係要訂枱或早ｄ攞位啦！:)員工都好有禮貌，ｇｏｏｄ！:)全枱共消費$900
(以上食評乃用戶個人意見 , 並不代表OpenRice之觀點。)
張貼