影片
更多
2009-09-26
16 瀏覽
真係好耐無去食海鮮，以往諗住食海鮮都係去西貢及索鼓灣。今次因為去黃金海岸酒店住，加上睇咗開飯食評，決定嚟呢間試一試。結果......果然好嘢！我哋一行人四大一小先去咗三聖邨碼頭附近的海鮮檔買海鮮，買咗斤幾蟶子，兩斤花龍，兩斤飛龍(大瀨尿蝦)，一斤花螺，四隻扇貝同埋一斤蜆。埋單八百元，都算差唔多。然後，我哋行過去興記，一入去因為訂咗枱所以立刻有位。店員個個整齊恤衫西褲，而且都好有禮貎。跟著就幫我哋落單。白灼花螺 - 真係好鮮。啲螺肉又爽，最正個海鮮醬，唔太甜。GOOD！上湯龍蝦 - 又係一絕，我鍾意佢唔太咸，而且個"茨又唔會"太多，加上花龍多肉又鮮味，都係由頭食到尾，連爪都食埋。椒鹽瀨尿蝦 - 老婆讚口不絕，我就覺得仲可以炸多少少時間，同埋啲椒鹽唔夠多同少咗啲辣味。蒜蓉粉絲蒸扇貝 - 呢碟完全係個扇貝個鮮味救番味餸。因為我同老婆都覺得個粉絲比較硬，蒜蓉味入唔到，加上個豉油唔夠味，但真係個扇貝夠厚身，又甜，都係正！豉椒炒蟶子同埋豉椒炒蛽 - 兩味都係豉椒炒，真係好正！興記啲豉椒好正，所以呢兩味餸食到最後雖然好飽都仲可以食得晒。一定要食！當然，除咗海鮮我哋都要食呢度個招牌菜--燒鵝！ 個燒
我哋一行人四大一小先去咗三聖邨碼頭附近的海鮮檔買海鮮，買咗斤幾蟶子，兩斤花龍，兩斤飛龍(大瀨尿蝦)，一斤花螺，四隻扇貝同埋一斤蜆。埋單八百元，都算差唔多。
然後，我哋行過去興記，一入去因為訂咗枱所以立刻有位。店員個個整齊恤衫西褲，而且都好有禮貎。跟著就幫我哋落單。
白灼花螺 - 真係好鮮。啲螺肉又爽，最正個海鮮醬，唔太甜。GOOD！
上湯龍蝦 - 又係一絕，我鍾意佢唔太咸，而且個"茨又唔會"太多，加上花龍多肉又鮮味，都係由頭食到尾，連爪都食埋。
椒鹽瀨尿蝦 - 老婆讚口不絕，我就覺得仲可以炸多少少時間，同埋啲椒鹽唔夠多同少咗啲辣味。
蒜蓉粉絲蒸扇貝 - 呢碟完全係個扇貝個鮮味救番味餸。因為我同老婆都覺得個粉絲比較硬，蒜蓉味入唔到，加上個豉油唔夠味，但真係個扇貝夠厚身，又甜，都係正！
豉椒炒蟶子同埋豉椒炒蛽 - 兩味都係豉椒炒，真係好正！興記啲豉椒好正，所以呢兩味餸食到最後雖然好飽都仲可以食得晒。一定要食！
當然，除咗海鮮我哋都要食呢度個招牌菜--燒鵝！ 個燒鵝真係好掂，同啲海鮮不分春色，好好味！
連埋個炒菜心，六罐汽水，埋單只係四百九十元，扺食到吖！
所以一定要再嚟！
張貼