西貢松記車仔麵

營業中

休息中

依間位於西貢既松仔車仔麵,久聞大名多年,都係未食過,雖然會入黎食海鮮,但就真係好少食車仔面。一開始就叫左依個蘿蔔牛筋腩,依個真係推介,因為我真係對蘿蔔情有獨鍾,而且發覺到依到既蘿蔔炆得好清甜,最緊要既係無咩渣,又唔會太多味精值得一讚。另外佢個牛筋都炆得好腍好滑,又夠入味,入落好滑口,加埋佢個牛腩味道都好濃,依個果然唔錯。之後就依個盆滿砵滿嚀,依個係依到既招牌車仔麵，一碗就有哂魚蛋、魷魚、紅腸、蘿白、生菜、豬紅及雞翼,咁多野都有,一個人都真係未必食得哂,先試一試佢個湯底,原來加埋咖喱汁,真係幾正,令到成碗麵既味道更加惹味,追住黎食。之後就係依個招牌豬手, 炆豬手最難就係炆得入味,依到都算做得,另外佢個豬皮有彈性,整體都算好好味。