影片
更多
2017-12-28
95 瀏覽
辣妹子又出動了作為麻辣火鍋掃食者，務求要食哂全香港既麻辣火鍋！！！！今次黎到大明星陳柏宇同朋友一齊開既四川火鍋店～雲長小龍坎老火鍋呢間樓上鋪係一開時，由於明星效應，報導多到好似米芝連甘！過左甘多個月，今日係無訂位既情況下去試一試。好好彩地店內唯一一張2人枱依然空著。中式的設計，雖然餐廳內比較細，大部分都係大柗，有一個包廂。枱面有一罐麻油，話時話，食開四川麻辣鍋通常都唔會用醬油，會用麻油~加上蒜加香菜&少少醋會比較好，唔會甘辣又無甘易傷胃。熱愛麻油既我想同大家講～食到最後都會覺得自己飲緊油，所以呼籲大家唔好一次過落哂成罐。------------------------------點餐時間~~~~好值得一提，點餐單上每款食物下都有一個時間，唔係幾多秒或分鐘內會送到上枱。而係每樣食材最佳的烹煮時間，大家可以參考一下。~~~~~~~~~~~~~~~~~~~~~~~~~~~~~~紅油蕃茄鍋(鴛鴦)($138)湯底有紅油麻辣，田園蕃茄，清香藥膳。今次就揀左紅油蕃茄鍋。鍋既設計好重中國風，有個龍頭做鍋柄。影相呃Like一流湯底煲滾既時候先發現店員無問過我地要咩辣度，所以可能店內只有一款辣可以選擇！
今次黎到大明星陳柏宇同朋友一齊開既四川火鍋店～雲長小龍坎老火鍋
呢間樓上鋪係一開時，由於明星效應，報導多到好似米芝連甘！過左甘多個月，今日係無訂位既情況下去試一試。好好彩地店內唯一一張2人枱依然空著。
中式的設計，雖然餐廳內比較細，大部分都係大柗，有一個包廂。
枱面有一罐麻油，話時話，食開四川麻辣鍋通常都唔會用醬油，會用麻油~加上蒜加香菜&少少醋會比較好，唔會甘辣又無甘易傷胃。
熱愛麻油既我想同大家講～食到最後都會覺得自己飲緊油，所以呼籲大家唔好一次過落哂成罐。
------------------------------
點餐時間~~~~
好值得一提，點餐單上每款食物下都有一個時間，唔係幾多秒或分鐘內會送到上枱。而係每樣食材最佳的烹煮時間，大家可以參考一下。
~~~~~~~~~~~~~~~~~~~~~~~~~~~~~~
紅油蕃茄鍋(鴛鴦)
$138
10 瀏覽
0 讚好
0 留言
紅油蕃茄鍋(鴛鴦)
$138
25 瀏覽
0 讚好
0 留言
紅油蕃茄鍋(鴛鴦)($138)
湯底有紅油麻辣，田園蕃茄，清香藥膳。今次就揀左紅油蕃茄鍋。鍋既設計好重中國風，有個龍頭做鍋柄。影相呃Like一流
湯底煲滾既時候先發現店員無問過我地要咩辣度，所以可能店內只有一款辣可以選擇！(定其實可以揀而無問????)紅油麻辣鍋見到有好多乾辣椒同麻子，有一層紅油係面，係高溫既狀態下會有機會彈到手架，要小心！
試左一下發現都幾辣下，應該介乎係出面食開既中辣同大辣之間。
田園蕃茄鍋面層都有一層油，蕃茄味唔算好濃，有一粒粒蕃茄，唔似罐頭湯。
巴蜀麻辣牛肉
$108
44 瀏覽
0 讚好
0 留言
我幫呢碟牛肉改左個花名，叫做爆菊花牛肉。薄薄的一片牛肉被紅紅的干碟包裹住，見到都覺得辣。
但唔好以為經過煮既過程表面既辣椒會被浸走就無甘辣，我想牛肉本身都有調味過，再加上麻辣湯底，對於愛辣之人來說真係一大佳品。但如果食唔到辣既朋友仔，唔好輕易去挑戰呀，如果唔係真係會爆菊架！
豬大腸
$68
7 瀏覽
0 讚好
0 留言
租金貴還貴我覺得唔好貴到太離譜，一碟豬大腸接近$70 ，10件一碟，每件大腸需價約$7
雖然事先煮熟左，放係麻辣鍋內煮到十分入味而且一咬就斷，但價錢對於一般人黎講真係可一不可再。
成都空運鮮毛肚
$108
17 瀏覽
0 讚好
0 留言
自從係內地食過一次毛肚之後就深深愛上了，還記得當初見到一大塊黑黑既一片唔知你係皮定咩既野，友人話只能涮10秒就可以食的時候還猶豫了一下。但入口感覺十分爽脆，所以每次食麻辣鍋都必點。
但係香港呢啲下欄野竟然賣到$108一碟，開價令人吃驚。一碟只有7塊，有大有細。薄薄一塊下一大碗是冰。
經過涮10秒後縮到好細塊，口感依然十分爽脆，加上麻油更惹味。
鮮制鴨血
$58
22 瀏覽
0 讚好
0 留言
麻辣鴨血可能未必人人都敢食，但如果愛好者可以一試。價錢合理，而且十分嫩滑，好吸湯，唔會愈煮愈老，反而好嫩。
一夾就斷，入口一含就化開，好似啫喱。
功夫土豆片
$58
20 瀏覽
0 讚好
0 留言
未黎之前已經聽聞店內功夫土豆片好出名，比起肉類更加高人氣。係內地好多功效萵筍片，功夫土豆片等等。
薄薄的土豆捲到好似一紮花甘，見到都開心。
根據餐單，涮左20秒左右，食落好爽口，但比較鍾意食熟土豆既本人覺得還有點兒生，大概再煮多左20秒，覺得入口依然爽脆，但薯仔味更出。食完一碟開始有飽足感了。
手捲牛舌花
$78
12 瀏覽
0 讚好
0 留言
一個熱愛食內臟既女生要好好珍惜呀！無論係牛舌，豬脷，鴨舌都十分愛食晚我見到牛舌隻眼發哂光。
好少見到牛舌好似肥牛甘有雪花，但見到呢朵花每片都佈滿雪花，而且都頗為厚。
口感好軟棉棉，好鬆化。而且份量都多。值得一試！！！
翡翠豆苗
$38
12 瀏覽
0 讚好
0 留言
以為係豆苗見到呢碟蝴蝶苗定左一定，但都唔抗拒。放入蕃茄鍋等菜吸收哂湯後食落好惹味，菜唔好煮到太熟，口感依然有點帶脆就prefect la~~
最後埋單就一定係覺得唔抵架啦(因為食唔飽)，但睇左湯底真係有料到既份上再加上牛舌唔錯都覺得還過意得去。
張貼
