影片
更多
2014-12-28
1694 瀏覽
之前喺雜誌睇過元朗名人鄧達智對西關粥品嘅介紹, 但始終未有機會去試. 今日要入元朗富達廣場嘅入境事務署攞passport, 終於可以嚟試喇. 我哋一家三口攞完passport就去搵呢間西關粥品嘅位置, 傻傻地兜了富達廣場一個大圈, 終於搵到了. 但竟然未開門喎, 原來係開12:00. 望下錶仲有半個鐘, 咁我哋惟有去千色廣場行過圈再過嚟啦.我哋12:05過返嚟, 只係淨返兩張吉枱咋. 坐低就拿拿林叫咗兩碗出名嘅粉仔$28.00同埋煎鹹肉糭$30.00. 之後再加多碗西洋菜陳腎肉丸粥$33.00粉仔嘅湯底同平時食開嘅完全唔同, 係杰撻撻似粥嘅質地. 配料都好豐富有蛋絲、叉燒、冬菇、豬油渣、鯪魚肉、金華火腿......百厭仔食得非常滋味, 添完一碗又一碗.煎鹹肉糭一碟有六件, 咬落非常香脆, 同屋企自己煎係無得比. 糭身略嫌"削"咗啲, 實返些少會更美味.西洋菜陳腎肉丸粥-粥底夠綿, 陳腎出奇地爽口(唔似煲完湯嘅死實)又夠鹹香, 配上青綠脆口西洋菜, 掂! 埋單$119.00
我哋一家三口攞完passport就去搵呢間西關粥品嘅位置, 傻傻地兜了富達廣場一個大圈, 終於搵到了. 但竟然未開門喎, 原來係開12:00. 望下錶仲有半個鐘, 咁我哋惟有去千色廣場行過圈再過嚟啦.
我哋12:05過返嚟, 只係淨返兩張吉枱咋. 坐低就拿拿林叫咗兩碗出名嘅粉仔$28.00同埋煎鹹肉糭$30.00. 之後再加多碗西洋菜陳腎肉丸粥$33.00粉仔嘅湯底同平時食開嘅完全唔同, 係杰撻撻似粥嘅質地. 配料都好豐富有蛋絲、叉燒、冬菇、豬油渣、鯪魚肉、金華火腿......百厭仔食得非常滋味, 添完一碗又一碗.
粉仔
$28
112 瀏覽
0 讚好
0 留言
煎鹹肉糭
$30
150 瀏覽
1 讚好
0 留言
西洋菜陳腎肉丸粥
$33
195 瀏覽
1 讚好
0 留言
題外話/補充資料：
環境比較迫窄, 我哋坐最入嘅枱. 食完離開時見前路係背貼背, 都唔知點出去. 惟有打擾人起身讓路.
(以上食評乃用戶個人意見 , 並不代表OpenRice之觀點。)
張貼
