響茶 (利都樓)

營業中

休息中

自問都飲過好多間珍珠奶茶，當中都有d好好飲，但唔知點解唔會令我想寫食評，不過呢間確實好想share。話說知自己會嚟呢邊，所以都有睇定附近有咩小店，仲自備定膠杯。揀呢間第一個原因就係佢無分店喺旺區，即係油尖旺、銅鑼灣、中環嗰d，第二就係位置好方便。至於我嘅喜好就係鍾意飲凍但要走冰，不過好多間都話只可以少冰，而佢呢到就好爽快話可以，抵讚！跟住就係佢個廚房係可以睇到哂員工點整，就係咁我睇到我杯嘢係未滿，但個員工唔係加茶而係加珍珠填滿。另外，因為我自備膠杯，個員工話個蓋唔係好夠實，問我洗唔洗用番佢哋個杯，我話唔緊要，之後佢入番廚房，睇到佢double confirm 有無蓋好，仲check 完再check有無漏，再抹乾淨成杯嘢先俾我，成個過程令我覺得好貼心，所以味道中評都唔緊要，我會繼續支持。