影片
更多
2021-10-21
32 瀏覽
美味故事同老公逛完旺角，跟住食晚飯。佢揀個西日fusion一人餐，主菜食西冷牛跟冷麵 ($228)。先嚟的的骰骰南瓜湯，個笑哈哈面好盞鬼！蒜蓉包細細條，入口香脆。跟住有煙三文魚薯仔沙律。薯仔粒有咬口，三文魚可以再新鮮啲！韓式泡菜豆腐味道一般。慢煮安格斯西冷幾大份，點黑椒汁食，辣辣地更好味。墨汁冷麵顏色雖然烏卒卒，墨汁唔會太濃太杰。為咗貫徹fusion風格，老公特登飲越式滴滴咖啡($22)!！我鍾意海鮮同青醬，虎蝦青醬意粉($148)，正正就係我杯茶！蝦肉爽口彈牙，意粉掛汁，滿口青醬橄欖油仲有松子仁，味道油潤又豐富。白桃藍蝶花(+$18)係跟餐飲品，桃味香，飲落去好清甜。地址：旺角彌敦道732號寬成樓1樓
同老公逛完旺角，跟住食晚飯。佢揀個西日fusion一人餐，主菜食西冷牛跟冷麵 ($228)。
先嚟的的骰骰南瓜湯，個笑哈哈面好盞鬼！
蒜蓉包細細條，入口香脆。跟住有煙三文魚薯仔沙律。薯仔粒有咬口，三文魚可以再新鮮啲！韓式泡菜豆腐味道一般。慢煮安格斯西冷幾大份，點黑椒汁食，辣辣地更好味。墨汁冷麵顏色雖然烏卒卒，墨汁唔會太濃太杰。為咗貫徹fusion風格，老公特登飲越式滴滴咖啡($22)!！
我鍾意海鮮同青醬，虎蝦青醬意粉($148)，正正就係我杯茶！蝦肉爽口彈牙，意粉掛汁，滿口青醬橄欖油仲有松子仁，味道油潤又豐富。白桃藍蝶花(+$18)係跟餐飲品，桃味香，飲落去好清甜。
地址：旺角彌敦道732號寬成樓1樓
張貼
