影片
更多
2023-05-04
1987 瀏覽
本身係朋友講起先至知道呢一間火鍋店係性價比好高，朋友半個月前訂座，成功訂到位一大班人慶祝生日！一到達餐廳，七人同行嘅預約，得兩個人早到，於是兩個人就先食前菜，前菜有子薑皮蛋、蝦多士、齋菜、炸、炒蜆，仲有嘢飲櫃可以拎嘢飲。好驚喜嘅係，餐廳好有心思有手搖嘢飲選擇，分別有竹蔗茅根、西瓜汁、百香果茶、檸檬薏米水等等。注意返前菜同嘢飲都係任拎而前菜嘅蝦多士真係好好食，前後加推咗10幾個！基本上唔需要攞咗條老命係咁食，因為套餐之後仲有魚生刺身、雞煲同火鍋你點都要留肚！到到人齊，就可以上刺身船。侍應姐姐係好好人，先提點對岸嘅一位朋友要拎走枱上面嘅嘢飲，呢個時候大家都好好奇，點解上菜要拎去碗筷前面嘅嘢飲呢？原來刺身算係鬼火咁大隻，直頭可以裝得起幾個人啊刺身方面有大約八樣，我都數唔哂啦！簡而精，刺身蝦超大隻超新鮮，本人係玻璃肚，如果食咗唔新鮮嘅魚生第二日一定會肚痾！仲有大大隻嘅帶子刺身、超厚身熟咗嘅鮑魚、肥美三文魚、濃郁，香甜蟹膏嘅熟麵包蟹、青瓜孩子三文魚沙律、新鮮大大隻嘅生蠔！去到呢個時候其實已經食到飽咁滯，已經唔得閒問佢係咪可以追加不過奉勸大家都係珍惜食物留肚食主菜——邊爐輕輕帶過一題，雞煲可以選擇
一到達餐廳，七人同行嘅預約，得兩個人早到，於是兩個人就先食前菜，前菜有子薑皮蛋、蝦多士、齋菜、炸、炒蜆，仲有嘢飲櫃可以拎嘢飲。好驚喜嘅係，餐廳好有心思有手搖嘢飲選擇，分別有竹蔗茅根、西瓜汁、百香果茶、檸檬薏米水等等。注意返前菜同嘢飲都係任拎而前菜嘅蝦多士真係好好食，前後加推咗10幾個！基本上唔需要攞咗條老命係咁食，因為套餐之後仲有魚生刺身、雞煲同火鍋你點都要留肚！
到到人齊，就可以上刺身船。侍應姐姐係好好人，先提點對岸嘅一位朋友要拎走枱上面嘅嘢飲，呢個時候大家都好好奇，點解上菜要拎去碗筷前面嘅嘢飲呢？原來刺身算係鬼火咁大隻，直頭可以裝得起幾個人啊刺身方面有大約八樣，我都數唔哂啦！簡而精，刺身蝦超大隻超新鮮，本人係玻璃肚，如果食咗唔新鮮嘅魚生第二日一定會肚痾！仲有大大隻嘅帶子刺身、超厚身熟咗嘅鮑魚、肥美三文魚、濃郁，香甜蟹膏嘅熟麵包蟹、青瓜孩子三文魚沙律、新鮮大大隻嘅生蠔！去到呢個時候其實已經食到飽咁滯，已經唔得閒問佢係咪可以追加不過奉勸大家都係珍惜食物留肚食主菜——邊爐
輕輕帶過一題，雞煲可以選擇唔辣、微辣甚至乎大辣！味道正常，有芫荽就更加香濃，唔鍾意嘅朋友，記得要走芫荽！雞肉都算多肉，同埋啲皮好有彈性好入味，唔錯嘅
邊爐方面，我哋預先覆咗餐廳WhatsApp需要留花膠蜜瓜湯底(免費)，湯袋日到咗水滾，我哋每日都飲返半碗湯先！比較嘴刁嘅我，其實屋企識開靚嘅花膠，本身對湯底嘅花膠都冇乜要求，點知原來好有花膠味重有好多花膠湯渣，絕對冇打斧頭
食物方面係可以任添，有好出色嘅肥牛、無人不歡嘅魚皮、象拔蚌、魷魚同脆肉鯇，新鮮好味😋下方面太大隻，嘴刁嘅我係發現冇乜蝦味，不過蝦肉好爽好彈牙！值得一題，係肉丸有幾款，相對地就冇咁出色，其中一款係鯪魚球木耳陳皮，全人手打造肉質並非冷藏肉，雖然新鮮但味道一般，心機菜都加分的！呢個時候大家都會想食一啲菜，比自己消化下，多數邊爐嘅菜都係圾得過熟，然後唔好食，但今次呢隻油麥菜？超級新鮮爽口，烚耐咗唔會過軟身ichiban呀！反而我有少少想追加！
總括而言，你仲有甜品可以食，克羅米同香芋雪條來自星加坡，味道非凡！全部侍應嘅態度都非常良好，餐廳食物質素高，重點性價比高到上天花板，人均只需要$418而且用餐時間由7點至10點，時間非常充足，但大家都要乖乖地準時10:30食完，等員工可以準時收工！
子薑皮蛋及齋菜
90 瀏覽
0 讚好
0 留言
炒蜆
81 瀏覽
0 讚好
0 留言
前菜蝦多士
113 瀏覽
0 讚好
0 留言
一圍枱咁長嘅刺身船
106 瀏覽
0 讚好
0 留言
張貼
