一起果醬 (已結業)

黃金蟹肉軟殻蟹意粉: 軟殻蟹炸到好香酥而一啲都感覺唔到油膩，而意粉軟硬度都做得好好,不過忌廉汁既分量比較少，而且就唔係太掛到係意粉，所以味道上就唔係咁足夠。 果醬九宮格多士: 既然係呢間餐廳既招牌野，當然要試一試啦。多士就正常茶餐廳既size，烘底，分左妯妯既9格，每一格都唔同既果醬，不過上菜個陣都冇特別說明D果醬係咩味道，所以有D都分唔到係咩味，如果有張卡仔或者poster 講下用左咩果醬就更加好。不過一班朋友估下食下又係另一種樂趣黎既~~~~ 總括而言，不論係朋友聚餐或者拍拖都算係一個好地方~~~