一起果醬 (已搬遷) 新店位置

天陰陰，又怕落雨，取消本來既單車之旅，改為去行下、食下野。其實西貢有好多好好既cafe未試哂，今次揀左一起果醬。呢度既果醬係自家製，有好多款都係出面冇架。店外裝修有好悠閒既感覺，餐牌寫得幾靚喔！我揀左玫瑰蘋果茶，都係自家製，感覺好滋陰好健康，而且好飲。睇餐牌第一個係all day breakfast，當然要試試！其實食左好多間all day breakfast後開始有啲熱情減退，因為食材都係大同小異，不過整體呢度每一樣食物都做得唔錯。多士我轉左scone，我覺得焗得太硬。可能啲果醬係天然，冇加人工糖膠，所以稀左啲，不過桂花味好出，好香甜。egg benedict幾好味，荷蘭醬同煙三文魚幾夾奇怪位係佢用既碟有窿，啲醬係咁漏落枱，賣相方面要改善喔！整體來講呢度既野幾好食，感覺到此店既用心，好推介大家去試！