影片
更多
2018-07-15
1206 瀏覽
星期六橫風橫雨⛈，周圍人山人海，揸車嘅朋友最好就係去圓方🚘，地方大有位泊唔怕濕身，認真食得舒適！落咗啲雨，商場冷氣凍凍地，突然之間好想食辣野，於是來到川菜稻城亞丁食川菜！店面唔算大，細枱為主，一家大細人多的話就唔係咁0岩，我地姐妹淘二人就無問題！👯♀️午餐時間都幾多人，等左15分鐘左右，一直聞住又麻又辣嘅香氣，真係令人個口水分泌旺盛加肚皮打鼓！我。要。食。辣！🔥終於坐左入卡位啦，立即落單，由於魚頭係即叫即蒸，都等左廿幾分鐘，食晒頭幾道有點飽，魚頭先到，下次如果再食，建議入左座前先叫蒸魚，入座之後再叫小菜同炒菜⏰1）夫妻肺片❤️2）貢黃椒剁蒸魚頭💛3）蔥爆羊肉💚4）蒸銀絲卷💕5）白飯一碗🍚1） 夫妻肺片夫妻肺片不嬲都係我鍾愛嘅川菜小食，呢度嘅夫妻肺片，有牛展、牛肚、牛筋，切得夠薄，爽口冇喳，惹味又香少少麻少少辣，但又唔算太油！加埋莞茜同蔥花，簡直停唔到口，淨係呢個小食，都可以食一碗飯！😋2）剁黃貢椒蒸魚頭一向鍾意食魚頭，貪佢夠嫩滑，中女要補下骨膠原呀嘛，呢味魚頭比足料，唔係淨係魚頭同骨，一落到去腩位，所以都有好多肉，要有點食力先招架得住，好彩黃貢椒有點酸酸辣辣，十分開胃，本人係BB級辣人，
星期六橫風橫雨⛈，周圍人山人海，揸車嘅朋友最好就係去圓方🚘，地方大有位泊唔怕濕身，認真食得舒適！落咗啲雨，商場冷氣凍凍地，突然之間好想食辣野，於是來到川菜稻城亞丁食川菜！
店面唔算大，細枱為主，一家大細人多的話就唔係咁0岩，我地姐妹淘二人就無問題！👯♀️午餐時間都幾多人，等左15分鐘左右，一直聞住又麻又辣嘅香氣，真係令人個口水分泌旺盛加肚皮打鼓！我。要。食。辣！🔥
終於坐左入卡位啦，立即落單，由於魚頭係即叫即蒸，都等左廿幾分鐘，食晒頭幾道有點飽，魚頭先到，下次如果再食，建議入左座前先叫蒸魚，入座之後再叫小菜同炒菜⏰
1）夫妻肺片❤️
2）貢黃椒剁蒸魚頭💛
3）蔥爆羊肉💚
4）蒸銀絲卷💕
5）白飯一碗🍚
1） 夫妻肺片
夫妻肺片不嬲都係我鍾愛嘅川菜小食，呢度嘅夫妻肺片，有牛展、牛肚、牛筋，切得夠薄，爽口冇喳，惹味又香少少麻少少辣，但又唔算太油！加埋莞茜同蔥花，簡直停唔到口，淨係呢個小食，都可以食一碗飯！😋
2）剁黃貢椒蒸魚頭
一向鍾意食魚頭，貪佢夠嫩滑，中女要補下骨膠原呀嘛，呢味魚頭比足料，唔係淨係魚頭同骨，一落到去腩位，所以都有好多肉，要有點食力先招架得住，好彩黃貢椒有點酸酸辣辣，十分開胃，本人係BB級辣人，所以必須要配可樂同埋白飯，但都可以食落去，越食越想食！🤤
3）蔥爆羊肉
食肉獸認為「食羊無限好。好。好。好」🐑🐑🎤🎤，蔥爆羊肉亦係本人鐘愛菜式之一，不過今次羊肉略嫌有點韌，同埋有渣，加上咸左少少，中途頂唔住都要嗌左罐可樂，不過蔥蒜都香口
4）蒸銀絲卷
鬆軟香滑，有種饅頭嘅清香，配埋咁濃味嘅嘢食，簡直係沙漠中嘅綠州。🏝
5）絲苗白飯一碗
中女愛瘦身，平時盡量少食白飯，但係食得川菜，白飯先係精粹，每一味菜都應該配搭白飯🍚
剁黃貢椒蒸魚頭
$178
51 瀏覽
0 讚好
0 留言
蔥爆羊肉+蒸銀絲卷
51 瀏覽
0 讚好
0 留言
夫妻肺片
50 瀏覽
0 讚好
0 留言
張貼
