Plato Cafe & Bistro (吳松街)

今晚去佐敦買完野就周圍搵下有咩好食，行左輪就發現到呢間西餐廳，七點幾已經坐左好多人。食物超多選擇，最終同朋友點左尊貴兩人套餐。+18蚊升級龍蝦湯味道濃而鮮，配埋忌廉就更滑蒜蓉包係餐湯既絕配Smoke Salmon Caesar Salad 🥗 白酒煮蜆大大粒好鮮甜，仲有淡淡既酒香食西餐當然要有酒啦+20蚊就飲到大大杯HOEGAARDEN 美國安格斯西冷牛扒5成熟係最好既食法一切開D肉汁就咇哂出黎牛味勁重又唔韌，配埋個紅酒汁更可以將牛味昇華同埋唔好睇佢細細塊，實質都幾厚身西班牙黑毛豬鞍正因為佢有一層層脂肪，所以煎既時候冇需落太多油，果陣豬味keep得好好，而且食落都唔覺太膩本身跟餐都有多款甜品選擇，不過我就加左28蚊升級西班牙肉桂條伴雪糕第一次食，肉桂條熱辣辣又香噴噴，配埋雪糕好得意。