帝樂 - 德國餐廳 (美麗華廣場) (已結業)

尋日同左朋友去食lunch semi buffet，真心講呢個價錢係抵食既。由於朋友會遲到（半個鐘以上），我攞左位擺低野就出去salad bar攞野食，食食下有位瘦身材長髮女侍應叫我落單，我話朋友未到想等埋先落，於是佢就話“咁你唔好再出去攞野食喇，我地要落左單先可以攞野食”，聽完勁唔舒服，第一我食過咁多間semi buffet都冇話要落完單先可以攞野食，第二就算真係要落單先，d語氣係咪可以好少少？改改字眼個客聽落都舒服d啦，最後我落左自己嗰份先，朋友到先再落埋佢嗰份，但係嗰一刻已經決定下次唔會再幫襯跟住就想講食物，我叫三文魚扒正正常常，朋友叫牛扒完全唔掂，叫medium但係黎到可以係well done，“un”到一個點，我知咁嘅價錢唔會畀啲靚扒你，但係都唔係咁難食囉冇下次😑😑😑