影片
更多
2024-02-26
704 瀏覽
《鮨樂 - 大角咀》好耐無同 @justlove_eat 閒日收工走去食飯啦，今次我地約左去奧海城行街順便晚餐，由於我地兩個都喜歡食日本野，壽司自然都係我地最愛啦🫶🏻鮨樂就成日見人介紹，自己就第一次試啦，因為門面睇落好高級，以為佢既野食會好貴添，點知原來高質得黎又抵食😍奧海城分店有某指定食品有半價添，連我地最愛既Highball 都有半價，為起$29/杯炸😳食住壽司飲住酒抵到不得了💁🏻♀️燒酎威士忌梳打 半價後$29💁🏻♀️12貫炙燒壽司御膳 $238由於我地兩個都想食壽司，但散叫又好似唔夠set咁抵😜所以就叫左個炙燒十二貫壽司set share 食，入面有招牌玉子、炙燒三文魚、Toro、左口魚、蝦、帶子、三文魚子、海膽、魷魚同兩件太卷，款式幾多同埋樣樣都係我地喜歡食既👍🏻米飯用左赤醋拌勻，味帶甘而清香，而壽司所用既魚生都食得出新鮮，連咀刁既朋友都話啲壽司好食😋另外呢個set除左有十二件壽司之外，仲有沙律、蒸蛋同麵豉湯提供，一個人食呢個set 都幾飽的💁🏻♀️香煎鵝肝配溫泉蛋丼 $138而另外一個主食就叫左好邪惡既香煎鵝肝溫泉蛋丼，有三大片經燒過既肥美鵝肝，啲鵝油滲曬入去飯粒入面，再配
好耐無同 @justlove_eat 閒日收工走去食飯啦，今次我地約左去奧海城行街順便晚餐，由於我地兩個都喜歡食日本野，壽司自然都係我地最愛啦🫶🏻鮨樂就成日見人介紹，自己就第一次試啦，因為門面睇落好高級，以為佢既野食會好貴添，點知原來高質得黎又抵食😍奧海城分店有某指定食品有半價添，連我地最愛既Highball 都有半價，為起$29/杯炸😳食住壽司飲住酒抵到不得了
💁🏻♀️燒酎威士忌梳打 半價後$29
💁🏻♀️12貫炙燒壽司御膳 $238
由於我地兩個都想食壽司，但散叫又好似唔夠set咁抵😜所以就叫左個炙燒十二貫壽司set share 食，入面有招牌玉子、炙燒三文魚、Toro、左口魚、蝦、帶子、三文魚子、海膽、魷魚同兩件太卷，款式幾多同埋樣樣都係我地喜歡食既👍🏻米飯用左赤醋拌勻，味帶甘而清香，而壽司所用既魚生都食得出新鮮，連咀刁既朋友都話啲壽司好食😋另外呢個set除左有十二件壽司之外，仲有沙律、蒸蛋同麵豉湯提供，一個人食呢個set 都幾飽的💁🏻♀️香煎鵝肝配溫泉蛋丼 $138
而另外一個主食就叫左好邪惡既香煎鵝肝溫泉蛋丼，有三大片經燒過既肥美鵝肝，啲鵝油滲曬入去飯粒入面，再配埋飯入面既燒汁一齊食堅係好正😍喜歡食鵝肝的話個飯一定要試，想再邪惡啲更可以整穿溫泉蛋再混合埋蛋汁一齊食😋大滿足👍🏻👍🏻👍🏻
💁🏻♀️香煎鵝肝配米紙黑醋 半價後$34
由於個鵝肝飯太美味😋我地又見半價menu有呢款米紙鵝肝😜無理由唔試吧🫶🏻香煎鵝肝配黑米醋本來就係好合拍既配搭，再用脆脆既米紙夾住黎食，有多重口感之餘仲令到鵝肝無咁油膩，$34真係好好好抵食👍🏻👍🏻👍🏻
💁🏻♀️鹿兒島西冷和牛巨切壽司 半價後$69
去到最尾我哋仲叫咗呢一件鹿兒島西冷和牛壽司，以一件壽司嚟講60幾蚊都唔算平，但你諗下佢用左一大片和牛西冷放上件壽司上面咼😍平時食omakase見到果啲大大片咼，$69蚊我就覺得好化算啦，間中豪下都可以的😜牛肉維持和牛一般油花嘅水準，入口即化，上面有少少醬汁調返起個味道，咩都唔使點就已經好好食👍🏻👍🏻撇除咗鵝肝之後，呢一件壽司絕對係當日嘅MVP
張貼
