柚屋 (已結業)

假日去咗朋友屋企玩，中午時分乜都未食，佢話附近有一間特色餐廳，主要係食柚子嘢，有甜品又有熟食。我不嬲對柚子做嘅甜品都幾有興趣，所以二話不說就叫佢帶我去。店內佈置得頗日系，主要用黃黃橙橙配襯白色裝潢，數張二人枱合攏，雖然不是很大，但一啲都唔侷促。我地隨便搵個位坐低就開始研究餐牌，非常貼心有中英對照，餐牌上分有沙律類、意粉類、拉麵類、飲品、同甜品類。由於我朋友一早食咗啲嘢，所以佢試甜品，最後我地柯打咗：柚子胡椒雞扒拉麵（柚子醬油湯底）、柚子芝士蛋糕同抹茶鮮奶。係等候期間同朋友傾下計，唔洗好耐佢個甜品到先。賣相頗精緻，蛋糕表面上一層柚子醬面，微酸甜；中層芝士；而最下則是餅底。三層一齊食，個人覺得芝士味道太突出，柚子味道被狠狠蓋過咗。期望值太高，本身蛋糕柚子味唔夠突出。而朋友的抹茶鮮奶，小試了一口，厚厚發開咗嘅奶，連同抹茶飲一口，味道有啲苦澀，但奶淡淡嘅甜味發揮作用，中和咗抹茶嘅苦味。接住我嘅柚子醬油拉麵到了，清澈帶橙色嘅湯底，試一口係淡淡嘅柚子味道，以及重重帶微辣嘅七味粉味道。個人覺得七味粉係呢碗拉麵上有些少喧賓奪主，雖不是淡而無味，湯係有七味粉醬油味，但柚子味有點若有若無。談麵身係幼身嘅拉