影片
更多
2022-08-21
709 瀏覽
首先要講一講真係要喺柯士甸站落車（佐敦站行過去真係幾遠）柯士甸站A出口係行人隧道，搵到個藍色路牌寫住文匯街，就向個度行番上地面，上地面之後你會望到左邊有個Van仔站有唔少車泊喺度，唔使向個邊行只要keep住向前行三兩分鐘就見到，店面太細好易會miss左講番間店，只有門外兩張櫈，bar枱咁樣，裡面都有兩張櫈但冇枱，反而用左一個鐵箱當做枱，咁啱入去前有個男仔揀左坐出面，咁我唯有坐低喺入面吧雖然店面細細，但都有唔少輕食供應，女店員亦都好友善，會按客人口味推介不同蛋糕，曲奇，咖啡店內小小嘅櫃就已經show晒主要嘅甜點由於店內只有一位咖啡師，一部咖啡機，所以大家要幫襯就可能要比D耐性等等啦，不過我諗幫襯得咖啡嘅都唔介意等陣。除左現金之外，仲有收payme添見有巴斯克芝士蛋糕，仲要有抹茶味揀，即刻二話不說order呢款啦抹茶味足夠，蛋糕食落口感都好滑，加上蛋糕面頭個D應該似係dark choco，平衡左蛋糕嘅甜味，整體唔錯flat white天鵝拉花都好靚，細問之下，原來係由台灣買入嘅咖啡豆，產地來自巴西，偏向 nutty，雖然唔係我飲開嘅fruity但都唔錯，入口順滑最後值得一提嘅係，我專登影低
真係要喺柯士甸站落車（佐敦站行過去真係幾遠）
柯士甸站A出口係行人隧道，搵到個藍色路牌寫住文匯街，就向個度行番上地面，上地面之後你會望到左邊有個Van仔站有唔少車泊喺度，唔使向個邊行只要keep住向前行三兩分鐘就見到，店面太細好易會miss左
講番間店，只有門外兩張櫈，bar枱咁樣，裡面都有兩張櫈但冇枱，反而用左一個鐵箱當做枱，咁啱入去前有個男仔揀左坐出面，咁我唯有坐低喺入面吧
雖然店面細細，但都有唔少輕食供應，女店員亦都好友善，會按客人口味推介不同蛋糕，曲奇，咖啡
店內小小嘅櫃就已經show晒主要嘅甜點
由於店內只有一位咖啡師，一部咖啡機，所以大家要幫襯就可能要比D耐性等等啦，不過我諗幫襯得咖啡嘅都唔介意等陣。除左現金之外，仲有收payme添
見有巴斯克芝士蛋糕，仲要有抹茶味揀，即刻二話不說order呢款啦
抹茶味足夠，蛋糕食落口感都好滑，加上蛋糕面頭個D應該似係dark choco，平衡左蛋糕嘅甜味，整體唔錯
flat white天鵝拉花都好靚，細問之下，原來係由台灣買入嘅咖啡豆，產地來自巴西，偏向 nutty，雖然唔係我飲開嘅fruity但都唔錯，入口順滑
最後值得一提嘅係，我專登影低呢塊紙皮，實在好大嘅提醒，空間有限，謝絕使用手提電腦
享受當下，確實係最好不過嘅四個字，好多時我地都只掛住影相打卡，將杯咖啡都攤到凍晒，浪費左咖啡師嘅心機
最後店員更指出土瓜灣有幢私人樓 啟岸 個邊都開左間姊妹店，叫做伊間咖啡，搵次去試下佢嘅signature cinnamon roll
張貼
