雙生館 (已結業)

連續幾天假期，悶係屋企咁耐，難得香港連續10幾日本地零感染，我估大家同我一樣，蠢蠢欲動～蠢蠢欲動～快將爆將你將我都燒燬！屈係屋企好奄悶呀！出開荃灣，諗住過愛海頌果邊行下，海邊夠開揚又可以唞下氣，嘩！條車龍長到傻眼！咁又係，你諗到人地諗唔到咩⋯⋯唯有打消念頭啦！本身假日去下嘀有戶外嘅餐廳，叫份All day breakfast，都幾扮chill 丫，但爆哂棚咁轉場啦！小清新文青cafe？唔錯喎，就你啦！開頭都驚雙生館會爆場㗎，因為睇食評知道佢枱數唔算多，但太幸運啦！我地去到唔算多人，而且佢枱同枱之間唔算太迫，好肚餓啦！睇下有咩食先？佢有好多意粉選擇，但啱啱食唔到feather and bone，心事難下，所以都係叫返份all day breakfast ！佢有自製麵包，烘得好脆，可以搽佢個雞蛋加蛋黃醬食，炒菇，慢煮雞肉，Parma ham，沙律，雖然填滿隻碟嘅每一個地方，但我太餓，唔夠飽櫈櫈～主角出場！雜莓雲朵疏乎厘，我食過好多呢類疏乎厘，有時好似食咗浸風咁，有時好容易有一浸油味，但佢做得好出色！鬆身得黎食得出有份量，冇油味，同幾鍾意佢上高嗰兩粒風乾士多啤梨，有九分！唔洗等位，輕輕鬆鬆咁