Hong Korean Chicken (旺角中心第一座) (已結業)

入旺中行見到開咗間新炸雞店，即刻買咗兩款口味過下口癮，一款係辣醬味，一款係芝士味。先講下啲醬料，辣醬味普普通通冇乜特別；芝士味奇奇怪怪，芝士味食唔出，但就成陣甜味咁完全唔似食緊芝士雞。跟住到出曬事嘅雞肉部分，如圖所見，啲肉炸到一丁點水分肉汁都冇，成盒雞冇一件係多汁嫩滑嘅，嚿嚿都乾到好似木乃伊咁，分分鐘千年法老王拆返繃帶嘅皮肉都仲滑過啲雞，食完真係差啲啃死，胃都痛埋。結論：食kfc爺爺都好過食呢間，不可一不可再，回頭是岸！