利苑粉麵

營業中

休息中

利苑嘅牛腩係清湯型，所以一食就知d牛肉好嘅，因為無得用濃味去掩飾。 牛腩非常鬆化， 完全唔韌， 冇多餘嘅調味料， 花椒八角嘅味都冇。 實實在在係食牛肉嘅香甜。 唔知係咪我好彩， 舊舊牛腩都係齊齊整整啖啖肉。 因為有啲舖頭會有一舊好肥，另一舊瘦到好柴皮。 湯底我覺得一般，略為普通。 但係佢個幼麵算係幾唔錯， 好爽口完全冇鹼水味。 地方比較細， 不過招呼好好。 侍應有禮貌， 叫油菜會問你食爽定淋， 好細心。 整體嚟講， 收呢個價錢， 呢個質素嘅牛腩係好抵食。 全間舖頭得廿個位， 食完真係要即走， 叫外賣可以返屋企慢慢歎。