鵝皇館 (已結業)

因工作經過，又想食燒鵝，見到隔離有間祺哥燒鵝，心大心細唔知入邊間，見佢叫自己做鵝皇館，好似自認整鵝好好食咁，便入黎幫襯。叫左個鵝瀨，一上枱好似幾靚，點知一咬啖鵝，犀利喇，全部硬過煲湯瘦肉，全部唔入得口，咁既環境下，叫過碟又唔係，唯有食唒啲皮就算。 個瀨粉連湯就算幾好，仲搭左條菜，係細份左啲。杯檸茶就沖得唔錯，而且個杯夠厚夠保温，食完野飲都仲夠熱。唔怪得間鋪做埋兩餸飯，只賣燒味佢應該做唔住。大家樂個鴨飯一定好過佢十條街。