皇甘栗 (已搬遷) 新店位置

超級鍾意食栗子，今日嚟開大埔，一定要走嚟試！泊完車都已經6點，openrice話佢閂6點，不過都要走過去睇睇！好在去到都仲未閂門，心中暗喜！親切嘅店員帶我去隔離個舖度睇雪糕，有王牌栗子雪糕、紫薯、石榴、話梅、開心果及新出嘅榴槤！掙扎咗一陣，除咗石榴及榴槤外，其餘嘅都好想試，但最後都係揀咗栗子，話晒第一次嚟都應該係試咗王牌先吖嘛！栗子雪糕 ($25)栗子公仔招牌好可愛，一打開已經見到一點點嘅栗子肉，未食已經好興奮！栗子肉混合咗香濃嘅北海道3.6牛乳，不過奶味並無搶走栗子嘅甘甜味道，雪糕質地綿密，啖啖都有粟子粒，愈食愈有味，超級好味！鍾意食栗子嘅朋友一定唔可以錯過店員態度好友善，喺我哋食緊雪糕嘅時候仲斟啲茶俾我哋試，又有好多涼果花生等試食，小店果然正！