皇甘栗 (已搬遷) 新店位置

栗子雪糕($25)司令真係好鍾意食栗子產品😋，呢間位於大埔既栗子專賣店居然有自家製嘅栗子雪糕😍，司令點會唔去試試呢？其實除咗栗子雪糕，佢地仲有榴槤、開心果、話梅、香蕉、石榴味雪糕，老老豆豆司令真係好想試曬佢，但真係太飽啦，唯有試住招牌栗子先😢。雪糕第一啖栗子味唔係超濃，但食多兩啖就會食到入面有極多極多栗子粒，真係不得了喎，勁足料，夠曬香甜，而且一杯份量都唔細，好抵食！下次再去食埋其他味啦😍。