影片
更多
2013-12-23
85 瀏覽
知道美心嘅栗子系蛋糕、甜品都喺採用山東板栗，每年10月到12月都喺當造期，粒粒都碩大而粉甜，所以，都趁當造期尾聲，經過香港站內嘅美心（差唔多日日必經之路），作個山東板栗甜品最後一擊。今年美心晌栗子產品上確喺頗為進取，多款新產品登場，紫醉甘迷、山東板栗果仁脆脆、栗子芒果卷、棉花糖栗子撻、純栗子卷、栗子紅豆包及栗子紫薯孖寶，而傳統經典嘅仲有鮮磨純栗子蛋糕、鮮磨純栗子mini、鮮磨純栗子撻、鮮磨純栗子杯。是晚兩公婆嘅飯後甜品，「純栗子撻」喺不二之選，加多個今季新產品「棉花糖栗子撻」，咁就夠晒！鮮磨純栗子撻 $18點解話佢喺不二之選，無他嘅，全因絕大部份都喺純栗子蓉，貨真價實鮮磨純栗子，甚少加入其他材料，又少忌廉，最啱老婆口味。據介紹，採用傳統經典嘅打磨手法，做出百份百鮮磨出純栗子蓉，只喺賣$18，依樣都俾人覺得值回票價。栗子撻以牛油皮做撻底，底薄脆口，一薄層朱古力漿，有助阻隔忌廉沾濕撻底變腍，再加多層超薄海綿蛋糕，就更萬無一失喇；之後撻底之上，全部都喺鮮磨純栗子蓉，食落栗子味豐厚，唔覺有咩半點摻雜，加上栗子蓉做得柔滑軟糯，清香少甜，當真食番純栗子嘅滋味；仲有頂上嘅糖漬黃金栗子，更帶嚟滿口甜蜜
今年美心晌栗子產品上確喺頗為進取，多款新產品登場，紫醉甘迷、山東板栗果仁脆脆、栗子芒果卷、棉花糖栗子撻、純栗子卷、栗子紅豆包及栗子紫薯孖寶，而傳統經典嘅仲有鮮磨純栗子蛋糕、鮮磨純栗子mini、鮮磨純栗子撻、鮮磨純栗子杯。是晚兩公婆嘅飯後甜品，「純栗子撻」喺不二之選，加多個今季新產品「棉花糖栗子撻」，咁就夠晒！
鮮磨純栗子撻 $18點解話佢喺不二之選，無他嘅，全因絕大部份都喺純栗子蓉，貨真價實鮮磨純栗子，甚少加入其他材料，又少忌廉，最啱老婆口味。據介紹，採用傳統經典嘅打磨手法，做出百份百鮮磨出純栗子蓉，只喺賣$18，依樣都俾人覺得值回票價。栗子撻以牛油皮做撻底，底薄脆口，一薄層朱古力漿，有助阻隔忌廉沾濕撻底變腍，再加多層超薄海綿蛋糕，就更萬無一失喇；之後撻底之上，全部都喺鮮磨純栗子蓉，食落栗子味豐厚，唔覺有咩半點摻雜，加上栗子蓉做得柔滑軟糯，清香少甜，當真食番純栗子嘅滋味；仲有頂上嘅糖漬黃金栗子，更帶嚟滿口甜蜜，經典即喺經典！
棉花糖栗子撻 $18我想大抵因為鮮磨純栗子撻嘅成功，做就棉花糖栗子撻嘅出現。同樣以牛油皮做撻底，加一層薄朱古力漿，再上就棄用海綿蛋糕，而喺大大舊嘅棉花糖，入口煙韌有趣；外層唧上栗蓉忌廉，花塔扭紋形，賣相討好，而栗蓉忌廉比想像中甜，但質感依然幼滑，跟棉花糖又幾合拍喎；頂層嘅原粒板栗，清甜粉糯，跟鮮磨純栗子撻上嘅糖漬黃金栗子，味道不相伯仲。
栗子果真做甜品、蛋糕嘅不朽食材，可塑性又高，只要用上高質靚栗子，配以心思、創意，做出嚟嘅產品又豈有唔紅之理吖！
張貼
