小食糖 (已結業)

之前去過觀塘用校園作為主題嘅小時光。知道佢喺尖沙咀開左間姐妹店，就諗住黎試下。星期日中午1點黎到，大把位坐。餐廳採用self-service形式，搵位、落單、攞菜都係自己黎。一坐底，發現間餐廳除左系以校園作為主題外，四周圍都擺滿好多長頸鹿嘅野，見隔離檯都瘋狂咁影。睇menu上面嘅野，其實唔算好多野揀，主食幾乎全部都係麵，飯嘅話淨係得滷肉飯揀。我地三個人就叫左兩個麵同埋一啲小食share。分別叫左紅燒牛肉麵、滷排骨湯麵、炸花枝丸、香酥雞塊同埋炸甜不辣。佢啲麵其實就一般般，覺得煮得淋左少少同埋分量唔係好多。滷排骨湯麵就唔係咁推薦點，覺得排骨無咩味道，唔係幾好食。再搭配埋個湯麵就勁清淡。反而啲小食仲好味過主食。個香酥雞塊其實係雞排，都炸得幾酥脆。我個人都ok，不過個fd就覺得dry左少少。同埋依個分量要$50就有啲貴。花枝丸都有7-8粒，普普通通，不過因為本身加左啲辣椒粉，所以都有少少辣。至於個甜不辣，其實好似魚糕咁，幾好味，推薦可以試下。整體黎講野食就麻麻，性價比一般。不過勝在個環境幾特別，啲佈置都好有心思。同埋可以坐好耐，同fd吹下水咁。