地中海休閒餐廳 (已結業)

浸會大學內的Bistro Bon，鬧市裡清靜悠閒的西餐廳！是日餐湯及麵包，粟米忌廉湯非常濃郁，有啖啖粟米肉，好好飲呢。刁草檸檬三文魚他他配辣根慕絲（$68加配價，連餐湯）：味道微酸的開胃前菜，而且賣相好精緻，難以想像自己置身於大學校園內呢。烤雙層大啡菇芝士漢堡，薯條及沙律菜（$128）份量非常大！厚厚的漢堡唔一定要包漢堡肉的，大啡菇同樣有口感，一咬下去更是非常juicy呢！虎蝦辣肉腸香蒜辣椒意粉（$178），一樣大大碟，蒜片同辣椒令意粉非常惹味。