影片
更多
2009-03-19
4 瀏覽
<用餐日期為 2006 年。>今次終於唔係我做搞手了，重任交返比主人家身上，因為今次嘅主角係校長 & 校監，為了方便大家，地點選咗喺荃灣大河道嘅霸王山莊。訂咗七點檯，大半數人到後，為免大家肚餓，主人家校長即時點了一道拼盤比我地食住等。七點半終於人齊，校長睇完餐牌後，點菜嘅責任最終落返嚟我度....又再比我呢個醒目嘅妹妹估中喎。本來打算叫set，但係入面只係發覺得兩樣係我同妹妹原本諗住叫嘅，太少了，唯有a la carte啦....佢有一版係人氣之選，我地喺呢版已經點咗5道菜了，分別有小籠包、松子桂花魚、香酥鴨、黃金蝦及沙鍋雲吞雞。仲有其他分別係皮蛋豆腐、雞絲粉皮、賽磅蟹、麻婆豆腐、香蒜炒飯、鱔糊炒河、蒸/炸銀絲卷及蔥油餅。因為有人之前已經試過其他分店，份量唔算好大，我地一行十人，唯有叫多幾樣補返啦....1. 拼盤 > 入面有海蜇、素鮑魚、醉轉彎、青瓜2. 皮蛋豆腐 > 皮蛋唔靚....而且好少，豆腐就好多，冇乜麻油味，唔夠香3. 雞絲粉皮 > 雞絲唔夠，瓜太少，麻醬唔香，好普通4. 沙鍋雲吞雞 > 係鹹咗少少5. 松子桂花魚 >
今次終於唔係我做搞手了，重任交返比主人家身上，因為今次嘅主角係校長 & 校監，為了方便大家，地點選咗喺荃灣大河道嘅霸王山莊。訂咗七點檯，大半數人到後，為免大家肚餓，主人家校長即時點了一道拼盤比我地食住等。七點半終於人齊，校長睇完餐牌後，點菜嘅責任最終落返嚟我度....又再比我呢個醒目嘅妹妹估中喎。本來打算叫set，但係入面只係發覺得兩樣係我同妹妹原本諗住叫嘅，太少了，唯有a la carte啦....
佢有一版係人氣之選，我地喺呢版已經點咗5道菜了，分別有小籠包、松子桂花魚、香酥鴨、黃金蝦及沙鍋雲吞雞。仲有其他分別係皮蛋豆腐、雞絲粉皮、賽磅蟹、麻婆豆腐、香蒜炒飯、鱔糊炒河、蒸/炸銀絲卷及蔥油餅。
因為有人之前已經試過其他分店，份量唔算好大，我地一行十人，唯有叫多幾樣補返啦....
1. 拼盤 > 入面有海蜇、素鮑魚、醉轉彎、青瓜
2. 皮蛋豆腐 > 皮蛋唔靚....而且好少，豆腐就好多，冇乜麻油味，唔夠香
3. 雞絲粉皮 > 雞絲唔夠，瓜太少，麻醬唔香，好普通
4. 沙鍋雲吞雞 > 係鹹咗少少
5. 松子桂花魚 > 試咗一舊、過得去，個汁都較得幾好，不太酸
6. 黃金蝦 > 幾惹味，但係份量太少，得八隻，但係要成$90
7. 香酥鴨 > 可能炸咗、好乾又唔鬆
8. 賽磅蟹 > 啲蛋白唔夠油炒，太老了
9. 麻婆豆腐 > 唔夠辣，冇四川風味
10. 小籠包 > 算過得去啦，叫做有汁，比出面一般嘅好
11. 香蒜炒飯 > 幾乾身、但係毫毛特別
12. 鱔糊炒河 > 同上一樣
13. 蒸/炸銀絲卷 > 唔夠鬆、可能係麵粉問題
14. 蔥油餅 > 雖然唔正中，但係好啱香港人食，炸得夠乾身、冇乜油....唔錯
服務水平：今次係第一次加插嘅，因為實在覺得有點過分，我其實喺之前睇嘅食評已經略知一二，有好嘅、亦有好差嘅，但係原來都會發生喺我身上嘅係唔好方面。事緣點完菜之後，個部長竟然出奇地問我點解咁多人一齊嚟食飯、而且個個又咁開心嘅，我望住阿妹，都唔知應該答佢咩好，因為我諗我冇需要向佢交代，又唔係同佢好熟.....我諗佢應該未食藥。跟住到中途有個高級啲嘅部長幫我地上緊菜時，我又啱啱影緊啲食物相，佢竟然唔知係咪因為我阻住佢，佢竟然彈了一句出嚟："晝龍使唔使點埋精呀?"，我當堂面都黑哂，竟然有客人會比伙記串，佢之後喺隔離枱上緊菜，我冇理個部長照同阿妹講頭先個部長點唔啱，夠竟呢個世界點會有啲咁嘅服務態度架，可以連客人都夠擔串，好心佢就學吓劉德華啦.....
總評：只係未試過而去到荃灣又冇咩選擇嘅話至可以一試，不過啲服務態度就不敢恭維，佢地連啲伙記可以喺我地去緊洗手間嘅途中都向我地鞠躬，真係頂佢地唔順，而且上菜速度太快了，可能佢地想做多幾輪，但係我地就未食得切了，搞到啲食物好快就凍哂。平均$110/人，算合格，但係好開心......因為今次係有老闆請，邊個咁豪.....當然係校監同校長啦.....再一次多謝佢地。
張貼
