HAWKR (已結業)

其實我好鐘意捲呀、三文治呢類食物，總之就係將所有野放埋/堆埋一齊😂😂好幾次經過金鐘呢間都冇入去因為佢對面就係我最愛既Pret ，加上佢又冇堂食，岩好今日趕時間，就的起心肝入去！Hawkr 既食物種類同Pret都幾似，Pret主打天然有機新鮮，Hawkr 就冇講明；Pret有hot toast、飯，Hawkr 就比較多冷麵選擇，食材既配搭都偏東南亞口味。至於我揀左咩呢？就係Satay chicken wrap😆佢係熱既，用牛皮紙包住，一打開！見到餅皮濕左hmm.... 就知應該不是我杯茶🤦🏻‍♀️🤦🏻‍♀️🤦🏻‍♀️因為食開Pret既hot wrap係熱既⋯⋯好啦唔緊要，咬啖試下味先！點知！一咬，佢入面 竟！然！包！住！糯！米！飯！！！我真係下左出聲，超似栥飯，但佢飯量又多過栥飯，餸又少過栥飯！又食唔出有調味⋯真係啖啖飯，但說好的沙嗲醬呢？個人覺得唔算好食⋯或者其他都值得一試掛？但未必會比第二次機會了⋯