浩記甜品館 (已結業)

睇雜誌介紹, 話個度D豆漿自家日日新鮮制造, 於是就捉老公陪我去試, 我要一個咸豆漿, 咸栥飯(佢有甜架...我從未食過, 感覺怪怪咁), 咸豆漿料我覺得少左D, 炸菜有渣, 又唔夠咸, 蝦仔無咩味, 所以令個咸豆漿好平凡, 栥飯反而OK, 肉鬆香口, 但有一兩粒好硬...牙都痛(可能係本人問題)老公要左個熱豆花, 本來店員話無, 跟住仲話咁熱邊有人食熱...真係無禮貌...咁佢話無, 就諗住叫個粉果食啦, 叫完佢又話有碗熱懶懶, 問都唔問就放低...喂!你話無我叫左粉果啦, 咁算點呀, 無啦啦又叫多樣...好在...豆花同粉果都好食, 豆花夠滑...凍既通常就差得遠了...所以...呀姐...點解大熱天時仲要食熱嗜...咁都唔明...粉果D葛好香好好味, 後來仲再來一客添