上海香港麵家

營業中

休息中

天寒地凍想食個熱辣辣早餐，記起銅鑼灣渣甸坊小巴站對出有檔上海嘢，二話不說即刻過去買早餐。記得呢間老字號通宵營業，好早要食早餐或者好嘢想食宵夜，呢度一定會幫到你。不過今時唔同往日，一個咁細個嘅粢飯，索價$28 ，仲要唔包嘢飲。以往呢人幾多都好，粢飯都係即叫即包，種熱辣辣真係完全唔同。依家阿姐一早包定十幾廿個，雖然都係熱，不過返到公司已經凍咗一半。輕輕叮返熱，在切開一半，果然少少失望。餡料好少，包住嘅糯米少硬，油炸鬼淋身，未去到放唔到入口，不過失望到極點。香港係咪無晒好食栥飯？回憶總是美好的。