豚本家 (已結業)

雖然話樣樣食物都唔錯，不過我都未試晒佢全部野嘅，第一次幫襯只試咗4樣野，都OK嘅。吉列豬扒係佢地嘅招牌野，揀咗豬柳因為貪佢林D，味道唔錯，呢個定食$125係OK嘅，D豬柳嘅質素有返咁上下，炸粉唔會好厚，炸完出黎嘅豬柳又唔會好油。定食仲有一碗飯，一碗日式蒸蛋同埋一碗麵豉湯，都OK嘅，係碗飯唔係好似用日本米。雜錦刺身飯D刺身都幾新鮮，特別係隻蝦，難得吞拿魚都OK，$138定食收晒貨啦。另外叫了個魷魚鬚同埋燒三文魚頭，兩樣都唔係求其野，特別係個三文魚頭，比平時食到嘅新鮮，嗰日食嘅時候，叫三文魚頭仲送飲品。