影片
更多
2008-11-19
7 瀏覽
已經黎過松屋好多次.原先第一次去這裡都是同事推介說服務好好.
細節唔多講.先來講食物. 炸物有炸蠔,天婦羅蝦,芝麻雞亦等等.水準好好.
其他野食方面.要讚一讚佢地串燒唔錯牛脷.雞軟骨.冬菇.燒得出色羊扒真係OK
刺身款式唔多. 但新鮮.我至愛三文魚好肥呀.
個到有個員工叫友哥又叫(根本英俊生)通常好醒目主動親自焗三文魚.燒三文魚皮.焗扇貝同魚湯俾我地.
焗三文魚入口即溶.魚皮夠脆.焗扇貝個汁好好味.魚湯湯味濃......
尋晚我地有人生日.仲有支香檳送添.好識搞氣氛
服務態度好. 伙記人數不少.而且很有禮貌.每時每刻留意客人吃的進度. 真是非常禮貼殷勤
庄修普通過普通. 環境嘈過街市.仲有摺臺同買摺櫈.茶餐廳仲好過佢多多聲
而且呢到非常非常隔涉, 絕對難搵.出奇地這麼多人光顧.仲客似雲來究竟是風水還是巧合.
其實服務態度是非常重要.呢到服務態度超好. 招呼周到令人感到好舒服.最重要是食得開心
我地係差不多會一個月黎一次 因為我地覺得友哥個人友善風趣.服務態度熱誠
雖然他有啲牙擦.但他攪笑是一種輕鬆手法. 捉正人心理
提外話/松屋放題是有時間限制在平時友哥很有彈性任坐(有人情味) 而且兩人都坐大卡位.
我自己就覺得不錯.真係值得推介各位去試試的一間店舖呀
推介各位呢到羊扒.牛脷.芝麻雞亦.炸蠔.焗三文魚都值得試一下
張貼