酒鍋 (V Point) (已結業)

團年飯通常都係喺酒樓食圍餐，但今年我哋打破傳統去打邊爐。今次呢間餐廳酒窩位於銅鑼灣嘅v-point。原來鼎爺私房菜都係在同一幢樓。餐廳個環境好古色古香，一打開電梯門就見到一排魚缸養住好新鮮既海鮮。行入去餐廳見到落地玻璃出邊嘅無敵海景，再加上中國風既裝修，在呢度食飯簡直係超享受。火鍋湯底有好多選擇，我哋揀來揀去都唔知點揀，樣樣都想試。最後決定唔好煩，揀招牌湯底就可以咩都試晒喇。酒火入鍋我係呢度嘅招牌湯底，呢嗰鍋分咗五格：中間嗰格係木瓜湯，旁邊有麻辣湯底，龍蝦蕃茄湯底，沙嗲湯同埋清湯牛腩。話明酒火入鍋，店員會先喺中間嘅木瓜倒入酒再點火，燒完之後就倒入乾冰，頓成一個煙霧濔漫，令人覺得置身於騰雲駕霧當中。用酒燒過嘅木瓜，你唔會估到係咁甜，唔係普通嘅甜，係非常非常非常甜，夾雜著一份酒香，非常之好食。 安格斯牛肉一條條好似晾衫嘅擺設好有創意。牛肉好新鮮，灼一灼就即刻挾返黎食，好有牛味入口即溶。海鮮拼盤嘅份量都好多，啲蝦都好大隻，聖子帶子都好鮮甜。黑松露餃子非常特別，好有黑松露味，而且皮薄餡多，但唔會一煮就散。呢個玫瑰豬腩肉拼盤好靚，廚師將一片片嘅豬肉片嘅砌成三朵好靚好靚嘅玫瑰花，令人見到都唔捨得食