犀牛廚房 (裝修中)

疫情之下原先想去的Coffee Shop只做外賣，唯有臨時變陣，不過竟然遇到呢間有驚喜的小店，佢個格仔餅真係好好食，價錢仲低得有點離譜，麻煩大家多多支持，因為我驚佢會執，咁就以後都無得食。呢個係格仔餅配法國油鴨脾，叫嘅時候真係心入面覺得有D九唔搭八，點知食落原來又真係幾夾，格仔餅個粉漿做得好好，焗出黎外脆內軟，而個油鴨脾做得夠晒香嫩，隨時好食過嗰D所謂嘅大餐廳。呢個係格仔餅配雪糕，格仔餅有幾好食上面已經講咗唔再講，雪糕送喺格仔餅上面等佢溶溶地先食係正嘅。呢個係經典英式甜品焗蘋果酥，酸酸甜甜幾多味，而且個酥皮都做得好，入面好鬆化食得真係好開心。最後梗係飲埋咖啡先至係完美啦。