我愛慢煮 (孖沙街) (已結業)

格調。寫意。舒適7點多的星期一，成間店已經爆滿了，係附近返工既朋友，一早係門口等我。裡面環境好有格調，樓底唔算高，但係環境好好，枱之間都隔左唔少位，而且乾淨，通爽，與朋友傾下計就岩曬了。 芝士焗波士頓龍蝦半隻只係$88，咁既價錢有龍蝦食，梗係叫。龍蝦唔算好大隻，但一樣啖啖肉，上面滿滿芝士，而且焗既時間都掌握得好好。 炸海鮮籃上面有4款食物，包括蠔，魷魚圈，蝦以及魚，每樣2件，如果兩人share食就岩岩好了。炸得幾脆，但又唔會乾，吹住水食就岩。另外有叫薯條，好大份下，點黑松露醬，味道好唔錯。香腸鮮薄餅小pizza ，size 兩人分就岩岩好，仲有香腸+波蘿 芝士溫泉蛋大啡菇係一層芝士之下，一切開就有溫泉蛋流出黎，佢焗得黎又唔會乾，溫泉蛋仍然流心，而且大啡菇既水份都一樣係度，芝士，蛋汁夾住大啡菇。 海鮮芝士忌廉波菜苗想食蔬菜，岩曬，忌廉汁焗得好，佢唔係好杰個隻忌廉，所以唔會好滯，波菜苗又嫩。 水果茶飲品方面叫了杯，食了咁多炸物，水果茶正好中和下，冇咁熱氣