影片
更多
2021-06-09
174 瀏覽
今日同屋企人去咗尖沙咀睇醫生，睇完之後就想搵一間好味嘅中菜廳，陪老人家好好地嘆吓茶🍵之前一直都想來戲曲中心☺️貪佢人少少，環境清靜但高雅，上網一查就搵到呢一間滿樂中菜🍲喺戲曲中心正門入去，有一條好大嘅扶手電梯，搭上去喺由手邊就會見到呢一間餐廳嘅正門😜餐廳裝修以不點同深淺嘅綠色為主調，望落去非常之舒服。牆上面就有手繪鮮花🌸嘅圖案，配上碟嘅形狀，好有藝術風💫💜例牌叉燒個汁係好味，但係叉燒就偏瘦，食入口覺得好難咬開，有少少嘥咗😅💜白汁豬肺湯侍應推介我哋飲呢一款湯，都要成$88一碗㗎，不過屋企人飲完話覺得幾好，而且呢個都算係心機菜，出邊唔係太多餐廳有做，因為洗呀等啊功夫都唔少，所以都算值回票價嘅！💜沙嗲乾炒牛河味道正常，唔辣，唔算太過有驚喜，河粉偏濕，不過牛肉份量算多💜炸蘿蔔餅好味！香好嘢係我至愛，夠脆，配辣醬一流！💜炸兩呢一碟點心係全餐飯最難食嘅😞炸兩係一啲都唔脆，係好硬、好難先咬得開😩唔明白點解會比呢一碟點心上枱⋯⋯💔💔💔💜流心奶黃包，後邊係眉豆茶果奶皇包有少少中伏，因為個表皮好難咬得開☹️好似擺咗好耐咁😞反而茶果好有驚喜，新鮮蒸起，非常軟身，眉豆蓉飽滿又好香😁👍🏻💜燒腩仔個人覺得呢個又幾好食
喺戲曲中心正門入去，有一條好大嘅扶手電梯，搭上去喺由手邊就會見到呢一間餐廳嘅正門😜
餐廳裝修以不點同深淺嘅綠色為主調，望落去非常之舒服。牆上面就有手繪鮮花🌸嘅圖案，配上碟嘅形狀，好有藝術風💫
💜例牌叉燒
個汁係好味，但係叉燒就偏瘦，食入口覺得好難咬開，有少少嘥咗😅
💜白汁豬肺湯
侍應推介我哋飲呢一款湯，都要成$88一碗㗎，不過屋企人飲完話覺得幾好，而且呢個都算係心機菜，出邊唔係太多餐廳有做，因為洗呀等啊功夫都唔少，所以都算值回票價嘅！
💜沙嗲乾炒牛河
味道正常，唔辣，唔算太過有驚喜，河粉偏濕，不過牛肉份量算多
💜炸蘿蔔餅
好味！香好嘢係我至愛，夠脆，配辣醬一流！
💜炸兩
呢一碟點心係全餐飯最難食嘅😞炸兩係一啲都唔脆，係好硬、好難先咬得開😩唔明白點解會比呢一碟點心上枱⋯⋯💔💔💔
💜流心奶黃包，後邊係眉豆茶果
奶皇包有少少中伏，因為個表皮好難咬得開☹️好似擺咗好耐咁😞反而茶果好有驚喜，新鮮蒸起，非常軟身，眉豆蓉飽滿又好香😁👍🏻
💜燒腩仔
個人覺得呢個又幾好食喎！表皮夠脆，入邊嘅肉夠軟滑😜
食後分享：
1️⃣先講價錢，我哋一行四人，買單大概$800多啲，唔算平。不過消費滿$400 ，就送2個鐘免費泊車。如果係同老人家一齊嚟，要車出車入嘅話，尖沙咀都唔易搵到地方，呢度都算係一個好選擇🤘🏻
2️⃣食物質素可以接受，當然可以再提升多啲啦！
3️⃣真心值得一讚嘅就係服務質素☺️飲茶全程我哋唔需要自己追加水，侍應已經好主動咁上嚟幫我哋收碟、加茶、加水等等，招呼非常貼心！
張貼
