Tapa Room (已結業)

老公放假一家出去尖沙咀行街買嘢，知道Tapa room 而家連尖沙咀都有分店，當然要去品嘗下😍一出電梯🛗就見到超靚打卡位！即刻影相先～Tapa room好啱朋友聚會嚟食，因為環境靚，又多唔同款嘅小食，每人揀一兩款，一齊開心share，原來最近又加咗新款，分別係：海膽汁墨魚汁燒蠔、煎鮟鱇魚肝配羅勒些利酒醋漬汁、柑橘果汁浸漬珍寶北海道帶子。燒蠔外脆內軟，海膽汁同墨魚汁都好鮮香！鮟鱇魚肝我係第一次食，魚香味未食已經嗅到，諾諾好鍾意食😋我就好欣賞呢個靚靚帶子小食，加咗食用花點綴，顏色好繽紛，味道清新，少少酸酸地好開胃，女仔都應該鍾意❤️另外我哋仲叫咗羊肉串，羊肉調味得好合宜，惹味又唔會鹹。主菜我哋叫咗西班牙海鮮鍋飯同黑毛豬鞍架，西班牙海鮮鍋飯有足足三隻大蝦，重有好多海鮮，十分足料，飯粒吸滿海鮮汁，而且粒粒都有咬口，好好味！黑毛豬鞍經慢煮，肉味濃郁肉感依然軟綿，炸薯粒依然咁好味👍🏻我order嘅青瓜特飲味道好Fresh,同今餐 #西班牙菜 好夾，每食完一個菜飲兩啖都好似淨化口腔咁，推薦比大家