Chef's Stage Kitchen (愉景新城) (已結業)

這裏環境佈置都有些心思， 環境十分舒服，先來兩杯特色飲品，班蘭菠蘿特飲 值得推介，班蘭奶香配上微酸嘅菠蘿，入口感覺多重層次!西餐菜多肉少，要補充纖維多數都會選擇沙律，超級食物羽衣甘藍高纖低卡路里食，點食都不會造成血糖上升，不過纖維太高齋食好似牛食草咁，用返爽口既羅馬生菜襯托，感覺良好，雖然係沙律，但又有糖心蛋、香草嫩雞胸、煙肉、封乾巴馬火腿，食完都飽咗一半。係台灣飲過蜆精，同滴雞精相近，總之就係好多既蜆煮出一碗蜆湯，而chef stage既蜆肉偏意粉就每一口都有蜆精掛住意粉既口感，香濃蜆味令人回味，第一次食完意粉先夾啲蜆去食，當然蜆肉都好出色，厚肉冇沙又唔會煙靭到食香口膠咁。頭兩碟都咁足料，其實都九成飽，不過粉紅豬鞍一上枱，個胃又多咗啲位，尤其食到側邊燒到香脆既脂肪，滿口油脂爆發，而家諗返都流緊口水。